Atamolai

Cumula-cula'o io La Bura

Wula orua ta'u1996

Dahomo rekamano

Cula-culano Atamolai.

Atamolai, io mia ngkana ingkita.  Po'iahando, nahina iteto'ori. Tempo-tempo, mia hako a'iso tobaawaako'inda i tahi.  Tempo-tempo, mia hako a'iso tobaawaako'inda i wita.

Karajaando, pokana te ingkita: ndopepombulaa, ndohela i tana bara.  Io bangkando, kadio ngineahako padewaka. Kendo bansule i tana bara, uleano bangkando imantondu'ako kadio bara.  

Bara-bara a'iso, sadia ndocia duka te ngineahako Wanae.  Po'iahano Wanae, dai gusi i Dongkala.  
Ngineahako atamolai hako a'iso, ndopekato'ori te Wanae.  

Ngkangka'ai, ngineahako atamolai, i witano Kolinsusu a'ai, i'ompole to'u-to'u.

Imembali mirongeo cula-cula a'ai i larono tangari Kolensusu. Imembali duka mi'alao pdf. I larono pdf a'ai, io cula-cula a'ai ibinuri i larono otoluo pogau.