Pesampora te Kawi'a

Io a'ai io suusuuno kananea'amai membalino tama tecina ndo pesampora te ndo kawi.

Lanci - io pande gau ilako rahano cina bomongkuaniako io hajatindo.

Ko'uni - Io membalino tam powawa sinsi, doi, sameha te sawu bocina. Ndotarima'o ako winawando koma'ana io membalino cina i'ehemo kumawi tetama a'iko

Powawaa Kansiwi - Ndo opicu cina minano itama ndolako mowawa io punci te ika owose. Io mia'owoseno cina itarima'o kai pobage-bage ako sahinaahako. Kando tarima'o koma'ana ndo'ehemo. Ariako powawaa kansiwi  hinamo imembali ndolako kumo'uni mia nsuere.

Powawaa Katangka - minano itama ndo powawa io baju, bulawa te io giu-giuno beto mokesa'ako.

Powawaa Petena - ipokana te powawaa katangka, kadimo iri'ai maposala'o io winawando io pakakasano pocuri ngkana kasoro, polangu, tambea, superei te pantasa.

Alono Ponahua - Io tama bokumawino ilako irahano cina ipo'ia sikoriano oleno kawi'a. Io bo kumawino a'ai itotoro iseba, hina imembali, itade, ipongka, tawa iponsoso. Itotoro hinai olai tekamarano cina bokinawi'akono.

Kawi'a - sateliano oleo io tama bokumawino ileumo irahano cina beilaha'o aka io ntee-nteeno kawi'a.

Tinola-tolai toharapu kai daaho io cula-culano ngkana pesampora sampe kawi'a mingkuanikai.