Rame-rame'a Nsuere

Daaho kasaka i lipu Kolensusu ndo weweuo iwula-wula moiko ngkana rapano ta'u tawa pongkocu'a. Io kasaka a'ai sadia dai kampo-kampo tendo poleleako dapo pia minggu bei teleu. Kananeano io moleleno io kapala kampo tawa kapala desa.

Pekocupa'ano Sangia - Ndo weweu io mia mocu'a ncina hako kera-kera wula ngko'orua i laro kalender.

Rampu'a - Io rampu'a ai ndo weweuo minai uwingkeu ginigi tinongo hako lewano punci ndo poncunuakono wacu kando nawu'o dapo mokula-kula. Dumaano Rampu'a kadi i Kampo Entaa, Rombo, te Linsowu. Kananeano Rampu'a ndo weweuo wula oleo kira-kira wula hoalu sampe hopulu i laro kalender.

Haroano Laa - Ndo weweuo i Langkumbe te Lambale.

Rapano Ta'u - Ndo weweuo i Langkumbe, Lambale te Langere.

Kambalu'a Lewe Wiu -  ndo weweuo i Lambale, Buranga te Ngapa'ea.

Itonala-tolai sio-sionomo daaho mociano lele io cula-culano saade-saade io kasaka a'ai.