Carano Moburi Pogaunto

Sampe ngkaa-ngkaa'ai hinapo i da'a io boku momposisuno pogau Kolinsusu. Malingumo pande buri daaho posalano sade'ete ilarono ndopoburi pogau Kolinsusu. Sameha hako ndo pompake horopu rinapo ngkana bh dan dh  sameha duka hina pinake. Mia duka ndo paentaaho unino pogau ngkana keto lako tawa ke tolako tawa ketolako 'if we go'

Beto cinda'ako ilarono topoburi pogau Kolinsusu iwebsait a'ai, to ponaa io posisuno moburi, imembali mi'ontoho tawa mi'alao imedia link ipada a'ai. (Posisu dumaano kadi laro pogau malau.)

 Hinai da'a tujuamai io mia Kolinsusu tabeano ondo buri ngka'ai. Mauduka ngkaa'iso to pocia po'awa minai pande tumo'orino pogau, hinai da'a mia tawa guluma nsuere bo mancu madumaaho posisuno pogau Kolinsusu, tabeano minano i Kolinsusu wutondo. Te a'ai iparaluu wakutuu kato membali pande buri tawa pande gau lancara.

To boboikomiu miano Kolinsusu beto laha io cara a'ai. Carano mitambanikai totampu'u bumaca te bumuri i larono pogaunto.