Wangkinamboro

Cumula-cula'o io La Bura

Wula orua ta'u1996

Dahomo rekamano

Cula-culano Wangkinamboro.

Wangkinamboro, io mia ngkana ingkita, ako i'owose, ako iko'eje-eje ipongkaa mia. Po'iahano dai lia owose dai tangkeno Wawontowure. Wangkinamboro, picu alo picu alo ipongkaamo mia. Bei purahomo miano Kolinsusu kumaaho.

Ngineahako La Engu, ipohohaluakonomo akala bei mate'ako.

Kando rame-rame, ndopohoropiakonomo lia olaro kando boboiho ngineahako Wangkinamboro. Dalumense i wawono pohoropiano ngineahako La Engu, Wangkinamboro imolihimo to'u-to'u. Ndo'ariako rumame-rame bei pongkaamo mia.

Dalumense i lia, pohoropiano La Engu, ndotena'omo umu'undu, kai tepasa. Sacuunano i lia Wangkinamboro, mia ompole ndoluahakonomo wacu, kai mate. 

Imembali mirongeo cula-cula a'ai i larono tangari Kolensusu. Imembali duka mi'alao pdf. I larono pdf a'ai, io cula-cula a'ai ibinuri i larono otoluo pogau.