Oleo te Ngalu

Cumula-cula'o io Sukman Tarima (La Dema)

Wula otolu ta'u 2004

Dahomo rekamano

A'ai, io cula-culano oleo te ngalu.

Sabucuno kua'iko, pi'alo'ano ndopegagamo io oleo te ngalu. I larono pegagando a'ai, ndopegagahako io inaio mokorano i larono ndo'orua a'ai, apakah io ngalu atau io oleo. Ndobila kumora megaga a'ai, hinando po'awa io kasimpula io inaio mompotalono.

Sabucuno a'iko, isansamo mia samia i horindo. “Aa,” ndogaumo, “ke ngkaa'iko, topekataro keto to'oriako inaio mompotalono. Jadi pekataronto a'ai inaio mokowungkahio io bajuno mia sumansano aruange, maka io a'ikomo mompotalono.” Boe, ndo'ehemo orua'inda. Ndosepakatiomo a'ai, io pinotaro'akondo a'ai.

Sa'arino iperi'oumo io ngalu. Io ngalu a'ai, puuriomo mia sumansano a'ai, ka'umpehano carano bei te'oniniako io bajuno. Ako, larono ipuurio a'ai, samokorano ipuurio, io mia a'ai, samokorano duka ikenio bajuno. Sampe momale io ngalu hinai poko'oninio bajuno io mia sumansano a'ai.

Sai ari io ngalu, giliaranomo io oleo. Io oleo duka ipakaluaraomo inade io sinarano a'ai. Pokono samokorano pokono pamokoraho io sinarano. Nai lembahi a'iko, mia sumansano a'iko i'oniniomo io bajuno, karena imasodo, tei mopitamo. Sai ari umoninio bajuno, lausako mu'aio.

Sampe ri'iso a'iso, io ngalu imongakumo motalo. Te ahirino cula-culando a'iso oleo ipompotalo sampe oleo a'ai. Ngkanamo a'iso wa'iko cula-culano tongkono a'iso antara io oleo te ngalu a'ai.

Imembali mirongeo cula-cula a'ai i larono tangari Kolensusu. Imembali duka mi'alao pdf. I larono pdf a'ai, io cula-cula a'ai ibinuri i larono otoluo pogau.