E'e i Molosu

Cumula-cula'o io La Bura

Wula otolu ta'u1996

Dahomo rekamano


Cula-culano E'e i Molosu.

E'e i Molosu, po'iahano jini ompole.

E'e a'iso, ka'owoseno rua hektar, ka'olarono lima ropa. Saluwu-luwuo hasili i tahi itora i e'e a'iso. Daho ika, daho lola, date duka garangga, japi-japi, io sowolo, io ponu, io koila, te keu ngineahako tongke dai larono E'e i Molosu kadio tinangkino La Bura.

Cumpe-cumpengku mo'ia i Tanduno, jinihako a'iso ndo'eme-emeci'aku. Salembahino kupo'ia i Tanduno, ndotena'akumo mepombulaa teku pebala.

Ikolabimo hopulu ta'u kupo'ia i Tanduno. Samatamo kupo'onto atamolai.

Inimpia, cumpe-cumpengku mo'ia i Tanduno, keto pemeke, keto o'ai, icuculukita ngineahako jinihako a'iso i po'iahano ngineahako i Tanduno. Samia-miano La Bura mokopo'iangio.

Selesai.


Imembali mirongeo cula-cula a'ai i larono tangari Kolensusu. Imembali duka mi'alao pdf. I larono pdf a'ai, io cula-cula a'ai ibinuri i larono otoluo pogau.


BACAHO
CULA-CULA
NSUERENO


 

Thumbnail image