Minai Kandari
Kandari io saade lipu i pulono Sulawesi, imembali tolako ri'ai pake kapala lumola, kapala itahi tawa io oto.
Ngkaa-ngkaa'ai daahomo kapala itahi minai Kandari rope Kolinsusu io Sagori, Agil te Aksar. Kato leuho Kolinsusu to'alu Waode Buri mentee 4 kilo minai Ereke.
Kato lako irope Kolinsusu minai Kandari to pina'i labusano Antareja beto pecukana io wakutuuno lingka'ano kapala te beto po'oli tiket. Kapala biasano ilingka mewangu jam hopulu te ileuho jam orua umpudu oleo.
Minai Kandari-Wula Laewo
Kai teleu wula mokorahano, io kapala sadia daaho halangano. Jadi topo'ala pesalanga nsuere ikawita'a.
Minai Kandari tolako Pasar Baru mewangu-wangu mentee jam onoo tawa jam opicu kato sawi oto rumopeno Amolengo. Tesoa Amolengo tosawi i bangka daaho temasinano katinti sameha hako masinano Ts. Tesoa i Lasiwa to sawi i'oto rope Ereke te teera umpudu oleo.
Limba'a Amolengo te Lasiwa imonoto.
Minai Bau-bau
Lipuno Baubau dai larono pulo Buton. I lipuno Baubau ai daaho duka ropea i lipu nsuere Indonesia pompake kapala lumola, tawa kapala tahi. Ri'ai daaho labusano kapala Pelni.
Kato minai Bau-bau to hule rope Ereke tolako idaoano Wameo. Daaho oto humuleno rope Ereke mewangu. I pompake wakutuu mente olima jam lingka'a. Ilembahimo duka po'ala wakutuu kai teleu wula waho.
Minai Wakatobi.
Kami mo'iliako lumako ipulono Wakatobi, daaho kapala owose minai Kandari i'alu i Kolinsusu i labusano Waode Buri
